Félix, gazteekin batera Etxebarrian
Goitia ilobarekin batera, Antxon-Ubillaren kontra neurtuko da
2011/07/25: Félix gazteekin batera arituko da gaur (17:30rean) Santiago eguna dela eta, urtero Etxebarrian antolatzen den zesta punta jaialdian Izan ere, Berriatuako atzelari beteranoak oraindik gazte mailan dagoen Goitia ilobarekin osatuko du bikotea eta bere aurkariak 22 urte azpiko bi pilotari izango dira, Antxon eta Ubilla, hain zuzen ere.
Teorian, Felixek bere eskuin bikaina baliatu beharko luke, baina beste aldean aurten amateur mailako hainbat txapelketetan nabarmendu egin den Ubilla egongo da. Aurreko koadroetako borroka ere ikusgarria izango da, Goitiak dohain handiak dauzkalako eta Antxon etorkizuna handiko puntista delako, izan ere, orain dela bi urte Floridako Orlando eta Ocalako koadroan egon zen.
Jaialdiak eskuz profesionaleko partida bat ere hartuko du eta bertan, Markinako Aretxabaleta Ekaitz Saralegirekin batera arituko da Mikel Urrutikoetxea eta Untoria errioxarrari aurre egiteko.
Testu: Juan Luis Ibarretxe Marcos
Argazkia: Félix Espilla
