“Pilotaren Unibertsoa” berriro helduko da Urdazubira
Zesta, larruzko paleta eta pasaka izango dira protagonistak
2011/07/29: Sei puntistak hartuko dute parte bihar Nafarroako Urdazubi herrian ospatuko den “Pilotaren Unibertsoa” ekitaldian. Bertizgo Partzuergoak babesten du Euskal Herriko pilotazaleentzat oso hitzordu garrantzitsua den jardunaldi hau.
Euskal Jai Alaik antolatuta, Tolosako Rezolak eta Izagirrek, Eneko Gamarra iruindarrak, Lakontxa arabarrak eta Zuloaga eta Barrenetxea donostiarrek jokatuko dituzte 21:00etatik aurrera iragarritako amerikar erako hiru kinielak.
Hau ez da interesgune bakarra izango, aldez aurretik, 19:30retan, hain zuzen ere, pasaka emanaldi bat ere egongo baita eta jarraian larruzko paleta partida bat ere izango baita ikusgai, beraz, Nafarroako kantxa honek hiru modalitate ezberdinak hartuko ditu.
Arratsaldeari poztasuna emateko, “Pilotaren Unibertsoa”-n dagoeneko ezaguna den gizon-orkestra egongo da, beraz, beti legez, ikaragarrizko giroa espero da eta jaialdia bukatu bezain pronto, afari bat antolatuko da.
Itzuli
Testu: Juan Luis Ibarretxe Marcos
Argazkia: Bertizgo Partzuergoaren logotipoa
